Aqeedah

Quand prend ou bien tanne Nabi ‎(Sallallaahou A'laihi Wasallam)‎ so nom moubaarak

D’après principe li recommandé pou récite daroud shareef quand tanne Rasouloullah ‎(Sallallaahou A'laihi Wasallam)‎ so nom mubaarak. Si nou tanne li plusieurs fois dans ene seul place, alors li waajib pou lire daroud shareef pou la première fois et moustahab pou le reste. Mais banne ki ena l’amour et mouhabbat pou Rassouloullah ‎(Sallallaahou A'laihi Wasallam)‎, zotte pas capave même prend Rasouloullah ‎(Sallallaahou A'laihi Wasallam)‎ so nom sans dire Sallallaahou Alaihi Wasallam.

… Nou bien aimé Nabi ‎(Sallallaahou A'laihi Wasallam)‎

Si vraiment mo content Allah Ta’ala, alors ena ene seul chemin : mo bizin suive le principe de Rasouloullah  ‎(Sallallaahou A'laihi Wasallam)‎. Lerla Allah Ta’ala aussi pou content moi et li pou pardonne mo banne péchés. Ki sanla ki mo bizin content? Tout ceki mo trouvé, mo pas trouve narien ki capave soutenir moi partout, tout le temps et dans tous banne circonstance apart ene Allah Ta’ala. Parceki li existé depi tout le temps et li pou resté ziska tout le temps. Li pena aukene défaut ni kit manquement. Li pas dépanne lors personne.

Offense

Manque du respect pou banne pratique dans Deen li bien grave. Li amène ene dimoune bien loin. Li faire li sorti en dehors l'Islam. Li pas nécessaire ki li faire ça avec ene kitchose faraz ou ene kitchose fondamentale. Manque du respect ou mépris li tellement grave ki si li montré ça envers banne kitchose couma mette bonnet, la barbe, miswaak ou tasbeeh etc. alors ça aussi li faire ene dimoune perdi imaan.

Imaan

Allah Ta’ala fine donne nou Imaan. Pena aukene cadeau ou fortune ki pli valeureux ki Imaan. Dimoune content ena richesse pou li capave gagne so bien être. Mais ça bien être ki li rodé à travers so richesse c’est ene bien être ki pas réel parceki li ene bien être temporaire. Comme preuve nou trouve ene quantité ki possède par million, billion, trillion ki zotte pas capave empêche zotte souffert. Zotte reste dans bien pou ene tigite le temps parceki malgré zotte richesse zotte ena banne hauts et bas dans la vie.

Mourtadd

Question: Ki veut dire Mourtadd?

Réponse: Mourtadd c'est ene personne ki commette Riddah. Et Riddah veut dire renonce Deen après avoir accepté li. Ça li capave arrivé dans plusieurs façons :

15ème nuit de Sha’baan

La 15ème nuit de Sha’baan ki nou appelle li Shabe Baraat, li ene nuit béni cotte Allah Ta’ala li dessane so bénédiction et so grâce immense. Nou ena plusieurs hadice ki fine rapporté par différent Sahaba-e-Kiraam couma Hazrat Abu Bakr ‎(Radiyallahou anhou‎)‎, Hazrat Abu Moosa Al-Ashari ‎(Radiyallahou anhou‎)‎, Hazrat Aisha ‎(Radiyallahou anhou‎)‎, Hazrat Mouaz Bin Jabal ‎(Radiyallahou anhou‎)‎, Hazrat Abdullah Bin Amr ‎(Radiyallahou anhou‎)‎, Hazrat Abou Tha’labah ‎(Radiyallahou anhou‎)‎.

La caze zaraignée

Allah Ta’ala ena capacité faire tout kitchose. Narien pas impossible pou Allah Ta’ala. Li capave faire ene simple créature faire ene grand travail couma li capave faire ene moyen bien sophistiqué échoué dans ene simple travail. Allah Ta’ala fine détruire Abraha et so l’armée ki ti vine attaque ka’bah à travers ene ti zoizeau avec banne ti cailloux. Allah Ta’ala capave servi ene ti virus pou bouleverse toute ene pays. Quand Allah Ta’ala décidé, li capave faire ou monte lors pied coco couma ça fine arrivé dans banne pays cote fine ena tsunami.

Syndicate content