Aqeedah

Assez drole

Tout dimoune conné ki difé li brulé, poison li touyé et nou tout conné ki de l’eau li teigne la soif couma li teigne difé. Donc dimoune li pas joué avec difé parceki li conné ki li capave brulé. Li reste loin avec poison parceki li conné ki manque-manqué li capave perdi so la vie. Coumsa même personne pas pou mette so le doigt lors ene difil courant parceki li conne so conséquence.

Amaanah

«Quand «amaanah» pou être négligé, alors attane qiyamat. Kikene fine dimandé : coumanière ça pu être abandonné O Allah so Rasool ‎(Sallallaahou A'laihi Wasallam)‎ ?

Rasouloullah ‎(Sallallaahou A'laihi Wasallam)‎ fine repone : Quand banne zafaire important dans Deen pou être confié à banne ki pas compétent, alors attane qiyamat.» (Boukhari)

Récompense ene moumine dans aakhirat

Allah Ta’ala fine réserve ene quantité récompense dans aakhirat pou ene moumine. Ça fine détaillé dans Qour’aan-e-Kareem et dans hadice. Li difficile ou bien même impossible pou conne vrai valeur de ça banne récompense-là avec nou moyen limité. Li sufi pou conné ki ene moumine pou gagne tout ceki li dimandé et tout ceki li envi. L’envi c’est ene kitchose ki personne pena capacité satisfaire li parceki banne moyens capave fini mais l’envi-là li continué resté. Ça li dans capacité Allah Ta’ala.

Banne signes Qiyaamat

Nou ena deux sortes de signe pou qiyaamat. Ene banne signes ki pou paraite avant l’avènement de Imam Mahdi. Ça appelle li banne signes mineurs. Et ene l’autre ki pou paraite après l’avènement de Imam Mahdi ki reconnaite comme banne signes majeurs.

Ene banne signes ki Nabi ‎(Sallallaahou A'laihi Wasallam)‎ fine prédire avant l’avènement de Imam Mahdi :

Imaan lors aakhirat

Ena différence entre ene dimoune ki conne so destination et ene l'autre ki pas conné. Ça dimoune ki conne so destination-là li pou pointe vers so destination avec détermination et ça deuxième ki pas conné-là li pou fini so la vie dans vire-viré sans aukene l'avance. Coumsa même quand ene dimoune li conne so but et so destination dans la vie, alors li réglé so vitesse dans so trajet de la vie vers so destination.

La mort lors Imaan

Tout dimoune même ena pou mort. Personne pas fine vine lors la terre pou reste pou tout le temps. Alors la mort-là li pou vini sans doute. Pena manqué ça. Et li pou vine dans l'heure ki fine fixé pou li vini. Et tout dimoune ena pou mort zisse dans l'heure. Ni li pou vine avant ça ni li pou en retard ene tigite aussi. Mais l'essentiel dans tout ça-là ceki ene dimoune bizin faire zeffort ki li mort lors Imaan. Apres ça dimoune-là li pou dans bien pou tout le temps. Pena narien ki pou agace li ou bien fatigue li ni pou ena kitchose ki pou bouleverse li.

L’incontestable et l’irreparable

Pena personne ki mérite adoration apart ene seul être ki nou conné par Allah Ta'ala. C'est ene vérité ki fine prêché par tous banne prophètes. Et tous banne prophètes zotte mission fine axé et concentré pou faire l'humanité en entier conne ça même vérité-là.

Syndicate content