Péché

Tout péché li pardonnable

Ki ou fine capave faire ou bien ou pé faire, ki faire ou croire ki na perna pardon pou ça. Tout péché ena pardon. Tout pécheur capave être gracié. Perna aukene péché ki na perna pardon. Perna aukene pécheur ki pas capave être gracié. Tanque ene dimoune encore vivant et li ena connaissance, li ena la chance dimane pardon. Quand ene dimoune dimane pardon, perna doute ki li pou gagné ceki li pé demandé parceki Allah Ta’ala li rempli de pitié et de grâce. Li même le grand Pardonneur. C’est li même ki fine dire nou pou dimane li pardon :

Allah Ta'ala declare la guerre

Éna deux péchés ki Allah Ta'ala déclare la guerre contre banne ki faire li:

(1) L'intérêt et (2) Garde rancune avec camarade Allah Ta'ala.

1. Allah pé dire : « Si zotte pas faire li (pas arrête ek banne transaction l'intérêt), donc prépare zotte pou la guerre avec Allah Ta'ala et so Rassoul... » (S 2 V 279)

2. Rassouloulaah ‎(Sallallaahou A'laihi Wasallam)‎ fine dire : « Allah Ta 'ala pé dire : Celui ki faire l'enemité avec ene mo camarade, mo déclare la guerre avec li. » (Boukhari)

Mefait de gounaah

1. Quand ene dimoune faire gounaah li deprivé connaissance de deen parceki connaissance de deen c’est ene lumière interne et a travers gounaah ça lumière la li teigne.

 2. Nourriture li diminué et perna barakate dans manger. Rasouloullah ‎(Sallallaahou A'laihi Wasallam)‎ fine dire:

«Ene personne li déprivé avec nourriture à travers ene gounaah ki li pé faire.» (Ahmad)

Zouloum ou l’injustice

Quand ene dimoune mérite ene kitchose, bizin donne li sa kitchose-là. Pas donne ceki ene dimoune mérité appelle zouloum. Dimoune ki faire zouloum appelle li zaalim et la personne ki subir zouloum appelle li mazloum. Ene zaalim li ena ene compte pou rendé cote Allah Ta'ala et li reste sous la colère Allah Ta'ala pendant toute longue so la vie tanque li pas arrête faire zouloum. Quand ene mazloum (opprimé) so le coeur fer mal, pena aukene barrière entre li et Allah Ta'ala. C'est à dire Allah Ta'ala accepté so doléance et li prend action conte le zaalim.

Mannat ou promesse lors nom kikene ...

Coumsa même pas gagne droit faire mannat ou promesse lor nom kikene apart Allah Ta'ala parceki faire mannat li ene ibaadat et ibaadat pas gagne droit faire pou kikene apart Allah Ta'ala.

[Extrait de Al Jamiat Vol.1 No.5]

Coumma pou arrête faire péché?

Nou prend la peine pou acheté ene helmet pou capave mette lors la tête quand nou voyage par motocyclette. Eski ça casque-tête là pas ene casse-tête sa? Mais nou accepté tou sala juste pou pas paye 1'ammane. Coumsa même nou bizin calculé ki nou ena pou présenté cote Allah Ta'ala pou rane compte pou tou ceki nou fine faire ici dans le monde. Bizin paye contravention, bizin paye 1'ammane. Avant faire ene kitchose. nou bizin pense 1'ammane ki nou pou bizin payé.

Arrête faire péché

Sa causé ki dire ki personne pas parfait lor la terre, li bien vrai mais avec ene correction. Sa veut dire ki apart banne Prophètes ('alayhimous salaam) ki Allah Ta'ala fine protége zotte de banne péchés, tou dimoune capave commette erreur.

Rasouloullah ‎(Sallallaahou A'laihi Wasallam)‎ fine dire dans ene hadice:- "Tout Insaan commette erreur... " (Tinnizi et Ibn Majah)

Syndicate content