Péché

Péché et so remède

Péché li ene impureté. Li ranne le coeur impure. C'est ene impureté ki dépasse impureté physique. Mais acoze ki nou pas senti li, nou pas trouve li grave. Mais en réalité li bien impure.

L’orgueil

Ene dimoune orgueilleux li bizin ene dimoune dans la bassesse même. Ene dimoune ki vraiment noble li pas capave ena ça vilain manière-là. Tout banne bon dimoune ki ça la terre-là fine charrié zotte lors so le dos, ti banne dimoune humble. Pena aukene bon dimoune ki ti ena ça dégoutant et indésirable manière-là. Et jamais dans l'avenir pas pou ena aukene bon dimoune ki capave ena li.

D'ailleurs en présence ça mauvais manière-là, ene dimoune pas capave vine bon quand même li capave paraite boucou bon.

Snack food

Allah Ta’ala fine donne insaan ene dignité ki li pas fine donne lezot créatures. Mais insaan li ingrat. Li pas conne valeur de ceki li fine gagné. Li fine tourne le dos avec commandements Allah Ta’ala. Et quand ene kikene blié Allah Ta’ala, inévitablement li blié li même ceki li été. Li tombe dans la bassesse. Li agir couma banne zanimau ki pena l’esprit. Zanimau li pas guette narien quand li ena pou accomplir so désir. Li pena la honte, li pena pudeur ni kit hésitation. Insaan aussi pé vine coumsa même. Zotte pé vine sans pudeur.

Double rôle

Quand ene dimoune vive deux différent qualité, nou dire li pé amène double rôle. Ça façon amène la vie-là li pas apprécié par banne ki amène ça qualité la vie-là aussi. Eski pas ça même ki appelle hypocrisie ? C'est ene vilain manière ki banne hypocrite aussi pas apprécié. Imagine ene coup si ou madame dans ou la caze amène double rôle. Sans doute li pou pénible et insupportable. Bé ki manière nou capave permette nou même amène ene la vie pareille ? Dimoune bizin sincère dans la vie. Quand li sincère li pou ena la franchise aussi.

Gheebat

Gheebat signifié dévoile défaut ene dimoune derrière so le dos. C'est ene pratique haraam. D'après Qour'aan-e-Kareem, li couma dire mange la chaire ou frère ki fine mort. Et selon hadice de Nabi ‎(Sallallaahou A'laihi Wasallam)‎ c'est ene pratique ki pli grave ki l'intérêt et zina (adultère).

Eski ou conné ki …

  1. Zina li ene de banne péché ki pli grave.
  2. Banne ki faire zina, zotte pou brulé dans l’enfer.
  3. Zina li attire la colère et la malédiction Allah Ta’ala.
  4. Zina li amène vers la destruction.
  5. Zina li enlève barakat et bénédiction.
  6. Zina li enlève noor depi dans le cœur et visage ça dimoune ki faire li.
  7. Zina li amène la pauvreté.
  8. Zina li empêche doah accepté.
  9. Zina li donne banne maladie incurable.
  10. Attrape la main ene étrangère c’est zina la main.
  11. Prend plaisir dans écoute cozé ene étra

Barakat dans reste loin avec péché

Quand ene dimoune reste loin avec péché, Allah Ta’ala donne li la volonté pou faire bonne action par dessane l’amour et le gout pou ça action-là dans so le cœur. Ene fois li gagne so gout, aster li pou difficile quitte li pareil couma li ti difficile faire li au commencement quand li ti noyé dans péché.

Syndicate content