Péché

Le course

Ene dimoune li travaille pendant ene semaine. Li trimé pou gagne ene ti la monnaie. Dans weekend li alle zoué le course. Ene seul cou li perdi tout ceki li ti gagné dans ene semaine. Et lot dimoune ki fine encaisse sa la monnaie-là pas fine faire narien. Li fine gagne li sans faire zeffort et sans être utile à la société. Couma ene économiste et ene personne dans domaine de finance pou interprète sa transfère ou distribution ou partage de ça richesse-là ?

Riba

Hazrat Abdullah Bin Hanzalah ‎(Radiyallahou anhou‎)‎‎ rapporté ki Rassoulullah ‎(Sallallaahou A'laihi Wasallam)‎ fine dire : « Ene dirham (pièce d’argent) de Riba (l’intérêt) ki ene dimoune consommé dans ene l’état ki li au courant (de ça), ça li pli grave ki commette 36 fois zina (adultère). » (Musnad Ahmad/Darqutni)

Fort et faible

A force de la force physique ki ene dimoune possédé, faire li gagne l’impression ki li même ki tout. Aveuglé par so la force, li échoué pou trouve ceki ena à l’autre coté de so la force. Li pas conné ki tout fort ena ene ki pli fort ki li. Ene fort ki pena pli fort ki li c’est Allah Ta’ala. Apart Allah Ta’ala, nou tou faible. 

Vice

Ene machine capave pas fonctionne bien si li manque ene seul vice. Mais insaan li fonctionne pli bien quand li pena vice. Insaan sans vice c’est insaan pli riche.

[Extrait de Al Jamiat Vol.7 No.9]

Non et non

« Et ne vous penchez pas vers les injustes: sinon le Feu vous atteindrait. … » (V113/S11)

Israaf (mal dépense)

Allah Ta’ala fine donne tout dimoune de quoi ki li capave gagne ceki li bizin pou satisfaire so banne besoins. Mais souvent problème-là li surgi quand li envi satisfaire li avec ene l’étalage et extravagance ki so moyen pas permette. Ou bien li capave faire li avec le moyen ki li disposé mais par supprime quelque part dans so budget. Débalancement-là commence apartir la même parceki bien souvent li alle faire li au détriment de banne kitchose ki important et essentielle. Nou prend ene simple l’exemple pou comprend ça.

Le Riddah

Riddah c'est ene offense ki signifié sorti depi dans Deen après avoir accepté li. La personne ki commette ça appelle li ene mourtadd. C'est ene offense bien bien grave. Ene mourtadd li dans ene pli faille position ki ene kaafir d'origine. Et so punition aussi li pli sévère. Ene personne ki commette ça dans ene l'état islamique, li mérite la peine capitale si li pas repentir et rétracté.

Syndicate content