Péché

Geste de bassesse

Si ou tanne kikene cause de mal pou kikene, faudré pas ou rapporte li ça causé-là parceki ça pas pou faire li plaisir. Li pas bon ki ou gatte ‘mood’ ene dimoune par raconte kitchose négatif ki dimoune fine causé lors li. D’ailleurs pena aukene l’avantage dans conne ceki dimoune pensé lors li. Si jamais ena kitchose ki pas bon avec li, alors bizin guette ene l’autre moyen pli correcte et efficace pou amène li à l’ordre.

Rode défaut ou prochain

Allah Ta’ala dire :

« Pas bizin rode défaut (ou camarade). »

Critiques banne personnages pieux

"Quand Allah oulé déshonore kikene, li faire li faire banne critiques à l’égard banne personnages pieux."  (Sheikh Jalaaluddeen Roumi (R)

[Extrait de Al Jamiat Vol.5 No.6]

Mensonge

Mensonge signifié donne information contre vérité avec propre connaissance. Par exemple ou conné ki tel kitchose li noir et ou pé trouve li noir aussi mais ou dire ki li blanc. Ça veut dire ou fine cause menti. D’après Qour’aan-e-Kareem, ena malédiction lors banne ki commette ça genre de mensonge-là. Normalement ene dimoune li cause menti pou so l’avantage. Li trouvé ki li pou perdi point si li cause vrai. Ou bien li pou faire défaite si li dire la vérité.

Chikungunia !

Fine ena ene grand campagne et ene mobilisation à grand échelle pou débarrassé avec banne moustiques parceki selon les dire de banne experts, ça li responsable ça maladie ki appelle chikungunia. Ça fine mine la vie dimoune à Maurice et ailleurs. Ena dimoune pé encore souffert. Donc li bien dangereux.

Bé ki banne experts dire lors l’alcool ?

Péché

Péché c’est tout kitchose ki contre l’ordre Allah Ta’ala. Donc li bien grave. Et li pli grave ki poison parceki poison li aggrave la santé ene dimoune temporairement mais péché li capave faire ou souffert pou tout le temps.

Pena profit dans faire péché. Ene dimoune li ranne so le corps misérable par faire péché. Capave dire ki ena grand plaisir dans péché mais nou bizin conné ki ça plaisir-là li ene plaisir temporaire. Après ça ena souffrance pou tout le temps.

Mauvaise fréquentation

Ene machine puissant li capave amène ou bien vite lors ou destination. Par contre ene machine ki pas ça puissant-là li pou tarde ou. Mais parfois capave arrive le contraire. Par exemple ene machine faible ki fine gagne la route libre, li capave amène ou vite. Et l’autre coté ene machine so puissance et so rapidité pas pou capave faire narien si li fine gagne ene poids lourd devant li.

Syndicate content