Skip to Main Content Area

Ene dimoune so l'honneur trouve dans so l'honnêteté, so la force dans so sincérité, et so beauté dans so simplicité. Hazrat Mufti Meerun Sahib (Rahimahullah)

Péché

Banne leker noir ki grand-noir

Banne leker noir ki grand-noir

Banne leker clair ki vainqueur

[Extrait de Al Jamiat Vol.2 No.13]

Péché

Sonne pétard

Sonne pétard li pas travail ene bon musulman. Parceki ene bon musulman c'est ene personne ki amene so la vie d'après commandement Allah Ta'ala. Sonne pétard li ene façon pou casse l'ordre Allah Ta'ala. Quand ene dimoune li casse l'ordre Allah Ta'ala li pas reste ene bon musulman.

Péché

L’orgueil

L’orgueil c’est ça vilain qualité ki faire ene dimoune prend li pou pli bon ki so camarade. Shaitaan ti ena ça mauvais qualité-là dans li, alors li fine maudit pou tout le temps. Ene dimoune ki ena connaissance ou bien ki faire boucou ibaadat capave trouve li la main vide acote Allah Ta’ala si li pas nettoye li de l’orgueil. Li couma dire ene drome avec ene fond troué ou perforé. Ou capave rempli de l’eau la quantité ki ou content, mais tout le temps ou pou trouve li vide. Si jamais ou trouve li rempli, c’est necque pou ene ti le temps.

Péché

Immoralité

Li bien bien pas bon ki ene dimoune tolère so mama, so soeur ou bien so madame lors banne acte immorales. Rassouloullah ‎(Sallallaahou A'laihi Wasallam)‎ pas fine laisse so madame présenté devant même ene Sahabi ‎(Radiyallahou anhou‎)‎ ki ti aveugle aussi. Ça montré ki quantité nou bizin garde nou banne madame dans la caze, loin avec pêle-mêle de sexe opposé. Couma li immoral laisse ou madame présente dans public, coumsa même li immoral pou laisse photo ou madame publié dans journal ou traîné dans public.

Péché

Faire péché au clair

Péché li reste ene péché. Mais entre péché ek péché ena différence. Ena péché li capave pli grave ki so camarade. Faire péché au clair li pli grave ki faire ene péché en cachiette. Parceki dans faire li au clair, ena ene genre de l’encouragement pou lezot ki ti pé hésité pou faire li.

Péché

Raconte dimoune

Ene mauvais travail ki ou fine faire, faudré pas ou raconte ça kikene. Tanque possible bizin pas faire mauvais. Si fine arrivé faire li aussi, bizin pas raconte ça personne parceki ça li capave vine ene moyen pou encourage lezot faire li. Tanque possible bizin pas faire kitchose ki encourage lezot faire mauvais.