Péché

Trois catégories dimoune ki Allah Ta'ala pas pou adresse zotte la parole jour Qiyaamat

Ena trois catégories dimoune ki Allah Ta'ala pas pou adresse zotte la parole jour Qiyaamat ni pou purifié zotte. Et zotte pou ena ene punition bien pénible:

  1. Ene vieux dimoune ki dans zina,
  2. Ene le roi ki ene grand menteur,
  3. Ene dimoune misère ki vantard.

Explication:

Pas adresse la parole veut dire ki pas pou cause avec zotte dans ene bon façon tellement Allah Ta'ala pou en colère avec zotte.

Riba, Gheebat et Bouhtaan

Riba …

Riba veut dire l'intérêt. Ene forme commun de l'intérêt, c'est ça somme en plus ki ene dimoune recevoir lors la somme ki li fine déposé dans la banque. Ça li haraam. Pas gagne droit servi li dans mangé boire, dans acheté linge, dans paye loyer ni dans paye l'ammane. Coumsa même pas gagne droit servi li dans construire toilette ou la caze ni dans construire toilette masjid ou madrassah.

Gheebat

Mal cause kikene derrière so le dos appelle gheebat.

Bonheur et Malheur

Bonheur et malheur, tous les deux trouve uniquement dans la main Allah Ta’ala. Ça pas trouve dans la main kikene apart li. Si ou pensé ki ou ena ou bonheur dans gagne kikene ki ou content dans ou la vie, abé ou dans l’erreur. Ça bonheur ki ou pé rodé nuit et jour couma ene dernier charité lors tout qualité la porte, li trouve dans la main ou Rabb ki fine crée ou. Alors tout ça jours-là ou fine mal tappe la porte. Ou pas fine tappe la porte ki bizin.

Garde photo dans la caze

Sourah veut dire image. L'action de reproduire ene image appelle tasweer. D'après shariah, tasweer (reproduction ene image) ki ena la vie par n'importe ki moyen li haraam. Ena plusieurs moyens pou reproduire image ene kitchose couma dessiner, graver, broder, tire photo, sculpter ou filmer etc. Reproduire image ene kitchose ki ena la vie par n'importe ki moyen là-dans li haraam.

Faire ene ti plaisir

A l'occasion fête la fin d'année, ou capave gagne banne proposition couma "faire ene ti plaisir". C'est-à-dire ou banne camarades et ou banne collègues invite ou pou prend en ti verre ziste pou faire ene ti plaisir. Li très simple ki ou pas bizin à aukene moment accepté ça invitation-là. Par accepté ene invitation pareil, ou pou laisse ou emporté par shaitaan ki li ene l'ennemi déclaré pou ou. Ou pou debalance ou position ki ziska l'heure li ti encore stable. Ou pou alle faire ene premier pas vers ou propre destruction.

Fête noël

Si ou ene musulman, alors ou pas gagne droit fête noël ou donne cadeau à ça l'occasion-là. Quand nou dire pas gagne droit, ça signifié ki li haraam. Parceki par fête noël, nou imite banne non-musulmans. Coumsa même nou Nabi ‎(Sallallaahou A'laihi Wasallam)‎ fine adopté ene l'attitude bien sévère à l'égard banne ki imite lezot. Selon ene hadice, ene dimoune ki imite ene communauté li vine pareil couma ça banne-là. Vine pareil couma ene communauté veut dire li risqué passe pareil couma ça communauté-là dans aakhirat.

Syndicate content