Akhlaaq-Tasawwuf

Vine pou Allah Ta’ala

Ou bizin vine pou kikene ki capave aide ou partout et dans tout circonstance. Ene kikene ki narien pas capave empêche li aide ou si li oulé aidé. Ene kikene ki ena capacité aide ou. Ene kikene ki surpasse tout kitchose. Ene kikene ki conne tout, ena capacité faire tout et capave aide ou partout et capave repone ou l’appel dans tout situation. Ki sanla ça kikene-là ?

Cerf-volant

To la vie li couma ene cerf volant. Tanque ki li tini la corde et li reste dans dimoune-là so la main, li continué envolé. Et dimoune pas fini apprécié li. Malgré so coûte pique-tête et so virage à gauche et à droite, li continué garde l’altitude. Mais couma li casse la line, li vine ene proie bien facile pou tout ceki envi faire li di tort. D’abord li tombe dans piquant ki déchire li. Banne zenfants dépaille li. Et finalement li alle dans poubelle cote marchand saleté ramasse li et alle jette li pou brûlé.

Dessin sans couleur

To ene dessin sans couleur

Sans l’amour to Créateur.

Ene l’amour ki dépasse tout,

Ki faire toi vine fou sans ki to fou,

Ki faire toi trouve li partout

Avec ene lizié ki pas trouve ditou.

To senti toi kikene,

Ki garde to le cœur toujours jeune.

Pas dire ki li bien drôle,

C’est l’attitude banne ki pena rôle.

Abc - abc

Musulman bizin ena dégoût pou P-C

Li bizin senti li A-B-C

Couma dire li pé patouille dans W-C

Sinon, sans doute après so D-C

So nissa et so rêve pou K-C

Ki li fine laisse le temps Pa-C

Sans ki li fine faire bon A-C

Ki faire donne la vie dans bon-mar-C

Sincèrité

Bizin être sincère dans la vie surtout envers le créateur ki fine créé ou et ki fine donne ou tout ceki ou bizin. Sinon ou malhonnêté capave amène ou bien loin. Et parfois ça capave irréparable. La sincérité envers le créateur dimane nou ki nou adore li tout seul et ki nou pas laisse narien surpasse so l’ordre. Nou bizin content li plis ki tout. C'est-à-dire nou pas faire kikene plaisir par déplaire li. Si fallait entier dounia vine contre nou mais nou bizin continué reste dans so l’obéissance.

Couma zenfants …

Quand ou lave ene zenfant li ploré, li crié couma dire ou pé faire li grand misère. Mais pourtant ou pé mette li dans propre. Li pena l’esprit. Acoze ça du bien ki ou pé faire li, li couma ene difficulté ki ou pé donne li.

C’est ene l’attitude ki ene dimoune continué ena li ziska li vine grand. Mais cette fois-ci dans ene l’autre façon.

Conne to Rabb

Ene nuit ibaadat li capave paraite boucou,

Mais divant grandeur Allah li narien ditout.

Sans conne to Rabb, to Nabi et to Deen,

To déclare être l’homme ki conne tout.

Bé ki to conné quand to pas conne to Rabb.

Syndicate content