Akhlaaq-Tasawwuf

Vive bien

Vive bien et laisse dimoune vive en paix. C’est le message de l’Islam. Pou réalise ça objectif-là, l’Islam li préconise certaines règlements et disciplines ki chaque individu bizin adopté. Suive ça banne règlements-là même ki appelle taqwa.

L'assurance de Jannat

"Mo garanti jannat pou ene personne ki donne moi l'assurance concernant ça l'organe ki trouve entre so deux la mâchoire et ça l'organe ki trouve entre so deux li pied." (Sahih Boukhari)

Hidaayat

Hidaayat veut dire montré chemin ou bien guide kikene et indique li pou li capave arrive lors so destination. Ça genre de hidaayat-là ti assuré par banne Ambiya (Prophètes) ‎(Alaihis Salaam)‎‎. Et ça même genre de hidaayat ki dimoune capave disposé.

Apart ça ena encore deux types de hidaayat. Ça li dans la main Allah Ta'ala seulement. Personne pena pouvoir donne ça genre de hidaayat-là à kikene.

Ki sanla sincère ?

Dimoune cause camarade sincère. Mais malheureusement dimoune pencore comprend ki appelle sincère. Eski li ene camarade sincère acoze ki li cause banne parole doux? Eski li sincère acoze ki li faire tout ceki ou dire li faire ? Ça pas banne critères pou testé kikene so sincérité. Parceki tanque ene dimoune pas sincère envers li même, li pas pou capave vine sincère envers lezot. Etre sincère et paraite sincère, c’est deux kitchose. Boucou dimoune paraite sincère mais en réalité zotte pas sincère.

Ishq-e-Rasoul

Ishq ou l’amour pou Rassouloullah ‎(Sallallaahou A'laihi Wasallam)‎ li pas ene kitchose ki nou bizin necque dire avec la bouche. C’est ene kitchose ki nou bizin vive li. C'est-à-dire nou bizin suive sounnat de Nabi ‎(Sallallaahou A'laihi Wasallam)‎ dans tous banne aspects de la vie. Ene aashiq-e-Rassoul pas capave à aukene moment pas pratique sounnat de Nabi ‎(Sallallaahou A'laihi Wasallam)‎ parceki Nabi ‎(Sallallaahou A'laihi Wasallam)‎ fine dire :

« Celui ki fine content mo sounnat, fine content moi … »

La bouche

La bouche li ene grand faveur Allah Ta’ala. Couma tous banne faveurs Allah Ta’ala, bizin conne bien servi ça faveur-là aussi. Dimoune ki pas pé capave mangé avec zotte la bouche ou bien banne ki ena lezot complications, zotte capave conne valeur ça faveur-là ene ti pé plis ki lezot. Eski nou pé attane pou vine dans zotte place pou conne so valeur ? Ki Allah Ta’ala pas faire nou arrive dans ça situation-là.

Manque de pudeur

Ene dimoune bizin ena la honte mais faudré pas li honté pou faire bon travail. Par exemple li pas bizin honté pou faire namaz quand l’heure namaz fine rentré zisse acoze dimoune pé guette li. Li bizin pas prend dimoune compte et li faire so namaz.

Cote li bizin honté, c’est ki li bizin honté pou faire travail ki pas bizin. Véritable ‘hayaa’ ou bien véritable la honte c’est ça sentiment de hésitation ki faire ene dimoune abstenir et reste loin de banne activités et pratiques ki Allah Ta’ala pas content.

Syndicate content