Akhlaaq-Tasawwuf

Le bien-être

Bien-être pas signifié gagne mangé, boire, amusé et banne soins nécessaire pou vive. Parceki ene quantité fine ena tout ça-là et plis ki ça aussi mais zotte fine trouve la vie fine vine insupportable pou zotte. Parfois banne ki ena tout mais ki pé vire-viré lors zotte Dunlop dans ene zeffort zisse pou gagne ene tigite sommeil, zotte envieux position ça banne démuni sans la caze ki pé ronflé enbas pont ou bien lors trottoir. Donc pena aukene bien-être sans la tranquillité morale.

L'amitié et sacrifice

Sacrifice li depanne lors le degré de l'amitié ki ene dimoune ena. Si ene dimoune faire banne sacrifices énormes pou so banne zenfants, c'est acoze ki li content so banne zenfants boucou. Et si li pena la volonté pou faire ene simple "move" pou ene étranger, c'est acoze manque de ça l'amitié-là.

Toi Musalman, to même coupable!

To pas fine pratique to Deen couma bizin. Si to ti pratique to Deen et to ti comporte toi bien, zotte ti pou gagne l'occasion conne beauté et vrai visage de l'Islam. Au lieu ça, to fine cachiette ceki ti bizin mette en public pou tout dimoune trouvé. Et l'autre coté to fine mette en public ceki ti bizin cachiette. C'est-à-dire to fine garde l'Islam dans pardah par abandonne li totalement et to fine dévoile to la famille ki ti bizin gardé dans pardah. Pas fini! To même to pena la volonté pratiqué ni laisse kikene pratiqué.

At-Tafweez التفويض -

Tafweez veut dire ki ene dimoune soumette li totalement à la volonté d'Allah Ta'ala. C'est-à-dire li mette tous dans la main Allah Ta'ala et li accepté tout ceki Allah Ta'ala décidé. Li pas depanne lors personne ni li garde l'espoir lors kikene apart Allah Ta'ala. Ça c'est ene l'état d'esprit ki shariah recommane nou pou nou inculqué ça dans nou et ki ranne la vie ene dimoune bien facile.

La vie

La vie c'est ene dessin

Ki bien vite li déteint 

La vie sans Toi O Allah!

Li ene dessin sans couleur

Ou ene nourriture sans saveur

[Extrait de Al Jamiat Vol.4 No.3]

Boucou travail dans tigite le temps

Maulana Abdul Hayy (R) ti faire ene causerie à l'occasion Aqeeqah Hakeem Abdussalaam. Dans ça cérémonie-là ti ena Maulana Sayyad Ahmad Shaheed (R) et Maulana Sayyad Ismael Shaheed (R) aussi ki ti présent. Dans so causerie, Maulana Abdul Hayy (R) fine dire ki Allah Ta'ala mette boucou barakat dans le temps de so banne serviteurs privilégiés ki permette zotte faire travail de quelque jours dans quelques heurs. Par exemple ena banne ki capave termine ene Qour'aan entier dans l'intervalle entre namaz Assar et Maghrib.

Allah li prend ene la vie

Allah li prend ene la vie pou donne ou mille la vie ki ene-ene la vie là-dans li vaut plis ki mille la vie dans Dounia.

[Extrait de Al Jamiat Vol.4 No.3]

Syndicate content