Akhlaaq-Tasawwuf

Couma rectifié ene erreur

Ene dimoune honnête li toujours content reste dans clarté. Acoze ça quand li conne so erreur, li pas hésité pou li reconnaite li et li rectifié li. Quand li rectifié so erreur, li faire li avec même l’ampleur ki li ti faire erreur. Disons li fine cause ene causé en public ki pas ti bon. Alors li bizin rectifié li aussi en public. Li pas sufi ki li reconnaite li en cachiette entre ene ti groupe dimoune. Faudré pas attane kikene mette pression pou accepté erreur ki ou fine faire. Ça li conte l’honnêteté.

Ceki pli difficile

Ene dimoune li capave vine ceki li envi par so banne zeffort. Et ça li facile. Par exemple li facile pou vine ene Hafiz ou bien ene Aalim ou bien ene Mufti ou bien ene islamologue ou n'importe ki logue ou envi. Coumsa même li pas difficile pou vine ene médecin ou ene ingénieur ou n'importe ceki ou oulé. Mais ceki difficile et bien difficile, c'est ki ene dimoune vine ene dimoune dans le vrai sens du mot.

Ene bon dimoune

Ene bon dimoune c'est ene kikene ki vive dans l'obéissance Allah Ta'ala. Ena plusieurs façon ki ene dimoune capave choisir pou vive dans l'obéissance Allah Ta'ala. Mais la façon valable et acceptable c'est la façon ki nou bien-aimé Nabi Hazrat Mouhammad ‎(Sallallaahou A'laihi Wasallam)‎ fine enseigné. Donc ene bon dimoune c'est ene kikene ki vive dans l'obéissance Allah Ta'ala d'après la façon ki nou bien-aimé Nabi Hazrat Mouhammad ‎(Sallallaahou A'laihi Wasallam)‎ fine enseigné.

Façon vive

Ça la vie-là li pou ene deux-jours ça. Bizin vive li bien parceki pas pou regagne li encore. Vive ça la vie-là bien signifié vive li pou le plaisir de celui ki fine donne nou ça la vie-là. Ça ki sanla capave été apart Allah Ta'ala?

Deen

  1. Deen c'est la loi Allah Ta'ala et le moubaarak principe et tareeqah de nou bien-aimé Nabi ‎(Sallallaahou A'laihi Wasallam)‎.
  2. Suive Deen li assure le bien être dans dounia et le salut éternel dans aakhirat.
  3. Deen montré dimoune vive couma dimoune.
  4. Deen faire dimoune vine dimoune.
  5. la vie sans Deen li ene la vie bestiale.
  6. Deen empêche dimoune faire dimoune du tort.
  7. Deen enseigne pou être sincère et sympathique.
  8. Deen c'est ene trésor inégal.
  9. Deen c'est l'espoir pou banne ki fine perdi l'espoir.

Bizin obéir Allah Ta'ala partout

Ene dimoune bizin suive et respecté banne règlements de so patron tanque ki li reste dans so travail. Avant rente dans travail et après travail li libre pou li vive so la vie parceki li nepli ena kit l'engagement entre li et so patron dans ça banne l'heure-là. Mais Allah Ta'ala li nou Malik (patron) et nou Rabb pou tout le temps et partout. Et ziska tout le temps et partout nou pou reste so serviteur. Pena ene place ou ene l'heure ki nou arrête reste so serviteur. Alors nou l'engagement avec nou Rabb li existé partout et pou tout le temps.

Mode de vie complète

Allah Ta'ala fine établi ça mode de vie ki nou appelle Islam. Allah Ta'ala ena connaissance de tout kitchose. Narien pas en dehors so connaissance. Donc ça mode de vie-là li ene mode de vie complète parceki Allah Ta'ala même conné ki pli bon façon dimoune bizin amene zotte la vie.

Syndicate content