Akhlaaq-Tasawwuf

Richesse dans la main ou dans poche

"Li permette ki ou laisse ou richesse dans ou la main ou bien dans ou poche. Et si ou envi ou capave ramassé  aussi avec ene bonne intention. Mais pas laisse li rente dans ou le cœur. Ça li pas permette." (Hazrat Sheikh Abdul Qadir Jeelani (R))

[Extrait de Al Jamiat Vol.5 No.4 & 6] 

Vrai beauté

Véritable beauté c’est la beauté ki pou faire ou paraite joli dans aakhirat. Et ça li pas dépanne lors joli l’apparence. Faudré ena taqwa dans ene dimoune. Sans quoi ena toute chance so beauté l’extérieur vine ene fardeau.

Pli précieux ki l’or

Nabi ‎(Sallallaahou A'laihi Wasallam)‎ ti empêche ene certaine façon loué la terre. Ene Sahabi fine comprend ki loué la terre en li même li empêché en général. So la famille ti pé faire ça transaction loué la terre-là. Li vine cotte zotte pou informe zotte ki Nabi ‎(Sallallaahou A'laihi Wasallam)‎ fine empêche loué la terre. Li faire ressortir ki ena boucou profit dans ça transaction-là mais suive Nabi ‎(Sallallaahou A'laihi Wasallam)‎ li pli profitable et pli valeureux.

Le model parfait

Ou fine donne ene contracteur ene plan construction. Ou attane ki li construire ou la caze d’après plan ki ou fine donne li. Mais si jamais contracteur-là li faire la caze-là d’après ene l’autre plan, eski ou pou d’accord pou paye li ? Eski ou pou satisfait avec ceki li fine faire ? Définitivement ça pas pou faire ou plaisir et ou pas pou accepté pou paye li. Ou capave poursuive li tout. Et pas bizin dire couma ou pou en colère si coiffeur fine gâte ou cheveux ou bien tailleur ou modiste fine gâte ou linge.

Le temps

Ou vive le présent ki continué vine le passé à chaque fraction seconde en attendant le futur ki pas pou tardé pou vine joine ou et li pou fini aussi.

Personne pas capave rattrape ene le temps ki fine fini traversé quand même li capave fine fecque traversé avant ene seconde. Dans ça sens là ene le temps ki fine traversé, li vine bien loin avec ene dimoune. Et ene le temps ki pencore vini, li ene kitchose bien près dans le sens ki li pas pou tardé pou vini.

Souhbat-e-Saliheen

Souhbat-e-Saliheen veut dire reste dans fréquentation banne bon dimoune. Ça li ena ene très bon l’effet lors caractère ene dimoune. Acoze ça même Nabi ‎(Sallallaahou A'laihi Wasallam)‎ recommanne nou pou guette bien avant nou fréquente kikene. Toujours bizin cherche banne ki ena Deen et bon manière parceki ene dimoune li ena tendance gagne manière dimoune ki li pli intime et li pli habitué avec li. Coumsa même li très important ki ene dimoune li ena ene sheikh ou bien ene guide spirituel si vraiment li oulé corrige so banne manquements.

Vive pou Allah Ta’ala

 Ena tout qualité mentalité. Donc ena tout qualité vive lors ça la terre-là. Chaque dimoune ena ene idéal et ene but. Et li vive pou ça même.

Ene kaafir li vive pou ça dounia-là même parceki li croire dans ça même la vie. Parmi ena là-dans ki pé vive dans mette so la bouche dans tout récipient. Li galoupe par ici par la bas zisse pou mangé boire et diverti. Ena ki pé vive zisse pou so vice couma la drogue, casino etc.

Syndicate content