Akhlaaq-Tasawwuf

Bonne manière

Tout banne sujets et domaine ki ene dimoune conné, li fine bizin apprane pou conné. Coumsa même bonne manière aussi li ene kitchose ki bizin apprane pou conné. Personne pas fine vine lors la terre comme connaisseur ou savant. Tout ceki nou vini plitard c’est par apprane li.

« Et Allah fine tire ou depi dans ventre ou mama dans ene l’état ki ou pas ti conne narien … » (V78/S14)

Dounia et Aakhirat

Pena aukene kitchose ki ene dimoune faire cote li pena pou prend ene certaine risque. Dans tout kitchose même ena risque. Dans marché galoupé ena le risque ki ou capave tombé et casse la main li pied. Dans mangé boire ena le risque ki ou capave touffé. C'est-à-dire ou bizin accepté perdi ene certaine l’avantage pou ou gagne ene lot l’avantage. Ene dimoune intelligent li accepté perdi ene ti l’avantage pou ene grand l’avantage. Coumsa  même li prend ene ti risque pou ene grand l’avantage.

Nafs

Ena ene kitchose ki trouve dans insaan ki appelle nafs. Allah Ta’ala fine attache succès chaque insaan dans purifié et nettoye ça nafs-là. Dans langage commun nou capave appelle li par mentalité. Donc d’après Qour’aan, succès insaan li trouve dans dresse so mentalité. Ene dimoune li comporte li bien quand so mentalité bon. Par contre li vine ene nuisance pou la société quand so mentalité gâté. Donc ene société prospère c’est ene société cote banne dimoune ena bon mentalité.

Vive pou Allah Ta’ala

Tout dimoune ena ene but dans so la vie et chakene pé faire zeffort pou atteine so but. Li dépense so l’énergie, so richesse et so le temps pou réalise so but. Et la vie-là aussi so valeur li dépanne lors ceki li vini finalement. Ene dimoune li dépense dix banané pou vine ene médecin et ene l’autre li dépense ça même quantité le temps pou li vine ene tôlier ou ene mécanicien. Donc ene so la vie li paraite pli valeureux ki so camarade.

Le bien être

Ene dimoune so bien être li trouve dans gagne ceki li bizin et dans reste protégé de ceki capave mette li dans difficulté. Acoze ça chaque dimoune li intéresse conne kikene ki capave accorde li ça deux kitchose-là. Ça kikene-là li pas ene l’autre apart Allah Ta’ala.

Ibaadat d’après sounnat – vrai l’amitié pou Nabi ‎(Sallallaahou A'laihi Wasallam)‎

Vrai l’amitié pou Nabi ‎(Sallallaahou A'laihi Wasallam)‎ li trouve dans suive Nabi ‎(Sallallaahou A'laihi Wasallam)‎. Pli ene dimoune ena l’amitié avec Nabi ‎(Sallallaahou A'laihi Wasallam)‎, pli li pou ena sounnat de Nabi ‎(Sallallaahou A'laihi Wasallam)‎.

Ene prescription simple et facile

Li bien facile pou vine proche avec Allah ou bien ceki nou appelle ene Waliyallah. Necque ena pou faire ene seul kitchose. Tout ceki ou envi, ou libre pou faire. Necque ça ene seul kitchose-là même pas bizin faire. Quand ou faire ça ene kitchose-là, ou pas pou bizin faire trop boucou ibaadat. Apart banne ibaadat essentiel, ene tigite ibaadat supplémentaire aussi li pou boucou ! Necque pas faire péché. Ça même assez. Ou pou vine non seulement ene bon dimoune mais pli bon dimoune dans banne dimounes.

Syndicate content